Azərbaycan aliminin həmmüəllifi olduğu məqalə yüksək impakt faktorlu jurnalda dərc edilib
Bakı, 10 may, AZƏRTAC
Azərbaycan Milli Elmlər Akademiyası (AMEA Botanika İnstitutunun təhsil şöbəsinin müdiri, biologiya üzrə fəlsəfə doktoru, dosent Rəşad Səlimovun həmmüəllifi olduğu elmi məqalə nüfuzlu “Elsevier” nəşriyyatının “Current Opinionin Environmental Sustainability” impakt faktorlu jurnalında çap olunub.(https://doi.org/10.1016/j.cosust.2018.02.004)
İnstitutdan AZƏRTAC-a bildirilib ki, “Planetar davamlılıqda gənc mütəxəssislərin vacibliyi” sərlövhəli məqalənin hazırlanmasında Biomüxtəliflik və Ekososistem Xidmətləri üzrə Hökumətlərarası Elm-Siyasət Platformasının (IPBES) qlobal qiymətləndirmə ekspert qrupunun 16 gənc mütəxəssisi iştirak edib.
Məqalədə gənc mütəxəssislərin nəsillər arasında körpü olmaqla kompleks problemlərin həlli üçün yeni yolların hazırlanmasında əsas rolundan bəhs edilir. Müəlliflər karyera potensialının artırılmasını nəzərdə tutan beynəlxalq, sahələrarası və davamlı inkişaf üzrə 16 proqramı təhlil ediblər. Bu proqramlar çərçivəsində gənc mütəxəssislərin ixtisasartırma təlimlərin gələcəkdə davamlı inkişaf liderlərinin təlimi, nəsillərarası öyrənməyi və fikir mübadiləsini təşviq edən güclü institusional əməkdaşlıq üçün vacibliyi statistik faktlarla sübut olunub.
Bölmənin digər xəbərləri
