AZƏRBAYCAN DÖVLƏT GƏNC TAMAŞAÇILAR TEATRI ANKARANIN QONAĞIDIR
AZƏRTAC-ın xüsusi müxbiri xəbər verir ki, Azərbaycan Dövlət Gənc Tamaşaçılar Teatrının truppası Türkiyədə ənənəvi olaraq keçirilən uşaq bayramında iştirak etmək üçün Ankaraya gəlmişdir.
Aprelin 20-də teatrın kollektivi Türkiyə paytaxtının Keçiörən rayonunda Əhməd Orucoğlunun “Nənənin kələyi” tamaşasını teatrsevərlərə təqdim etmişdir. Xalq artisti Ağaxan Salmanlı, əməkdar artist Lətifə Əliyeva, digər aktyorların oyunu tamaşaçıların alqışları ilə qarşılanmışdır.
Tamaşadan sonra ölkəmizin Ankaradakı səfiri Zakir Həşimov və Keçiörən bələdiyyəsinin sədri Turqut Altınok çıxış edərək, qardaş ölkələrimiz arasında bütün sahələrdə, o cümlədən mədəniyyət sahəsində əlaqələrin yüksək səviyyəsindən bəhs etmişlər.
Teatrın kollektivi Türkiyənin İğdır şəhərində də çıxış edəcəkdir.
Bölmənin digər xəbərləri
