Azərbaycan ilə Əlcəzair arasında mədəniyyət sahəsində əlaqələr daha da genişlənir
Bakı, 3 may, AZƏRTAC
Azərbaycanın mədəniyyət naziri Əbülfəs Qarayev Əlcəzair Xalq Demokratik Respublikasının yeni mədəniyyət naziri xanım Məriəm Mərdasi ilə görüşüb.
AZƏRTAC xəbər verir ki, Ə. Qarayev əlcəzairli həmkarını yeni təyinat münasibətilə təbrik edib və ona forumda iştirakına görə minnətdarlığını bildirib.
Görüş zamanı tərəflər Azərbaycanla Əlcəzair arasında mədəniyyət sahəsində əlaqələrin genişləndirilməsi məqsədilə hazırlanmış əməkdaşlıq haqqında protokolun imzalanması ilə bağlı müzakirələr aparıblar.
Azərbaycanın ISESCO çərçivəsində uğurlu əməkdaşlığından danışan Ə.Qarayev təşkilatın Əlcəzairdə keçirilən sonuncu sessiyasında iştirak etdiyini bildirib. Deyib ki, Əlcəzair Azərbaycanın təşəbbüskarı olduğu “Bakı prosesi”ndə daha fəal rol oynaya bilər və iki ölkə arasında nəzərdə tutulan bu cur sazişlər mədəniyyət sahəsində əlaqələrin daha da genişlənməsinə təkan verəcəkdir.
Məriəm Merdasi vurğulayıb ki, mədəniyyət sahəsində əməkdaşlıq üçün tədbirlər planı artıq hazırdır və bu saziş imzalandıqdan sonra tərəflər fəal olaraq teatr, muzey, ədəbiyyat sahəsində mübadilə proqramları təşkil edərək bu əməkdaşlığı daha da gücləndirə biləcəklər.
Sonda Ə.Qarayev ən qisa müddətdə bu sazişin imzalanacağına əminliyini ifadə edib.
Bölmənin digər xəbərləri
