Azərbaycanın qadın güləşçiləri ilin ilk yarışına çıxırlar
Bakı, 4 fevral, AZƏRTAC
Xorvatiyanın paytaxtı Zaqrebdə 2026-cı ilin ilk reytinq turnirinə start verilib.
AZƏRTAC xəbər verir ki, “Zaqreb Open” adlanan ənənəvi yarışda ölkəmizi qadın güləşi üzrə millimiz təmsil edir. Baş məşqçi əvəzi Toğrul Əsgərov və böyük məşqçi Ağahüseyn Mustafayevin rəhbərliyi altında Əsmər Cankurtaran, Elnurə Məmmədova (hər ikisi 50 kiloqram), Nərgiz Səmədova (53 kiloqram), Jalə Əliyeva (57 kiloqram), Günay Qurbanova (59 kiloqram), Birgül Soltanova (68 kiloqram) və Zəhra Kərimzadə (72 kiloqram) xalçaya çıxacaqlar.
Turnirdə ədaləti I dərəcəli hakim Əli Babayev qoruyacaq.
Bölmənin digər xəbərləri
