“Azəriqaz”: Yeddi ayda qazın qəbulu 7 faiz artıb
Bakı, 5 sentyabr, AZƏRTAC
Cari ilin yanvar-iyul aylarında ötən ilin müvafiq dövrü ilə müqayisədə qazın qəbulunda 7 faiz artım olub.
AZƏRTAC xəbər verir ki, bu haqda “Azəriqaz” İB-nin İstehlakçılara satılan qaza nəzarət şöbəsinin rəisi Elçin Qocayev məlumat verib.
“Bu ilin yeddi ayı ərzində 4 milyard 824 milyon kubmetr qaz qəbul edilib. Ötən il isə müvafiq dövrdə bu göstərici 4 milyard 482 milyon kubmetr olub. Ümumilikdə 324 milyon artıq qaz qəbul edilib. Yeddi ay ərzində 2,5 faiz, başqa sözlə 85 milyon kubmetr qaz itkiləri azalıb. Qazın qəbulunun artması qeyri-yaşayış sahələri və sənaye müəssisələrinin açılması, əhali abonentlərinin artması ilə bağlıdır”, - deyə şöbə rəisi qeyd edib.
Bölmənin digər xəbərləri
