İQTİSADİYYAT
“BAKCELL” ŞİRKƏTİ YENİ XİDMƏTLƏRİNİ TƏQDİM ETMİŞDİR
Bakı, 13 fevral (AZƏRTAC). “Bakcell” şirkəti BlackBerry® xidmətini təqdim etmiş və yeni “Bakcell Yaqut” klubu yaratmışdır.
Müştərilər keyfiyyətli və səmərəli rabitədən faydalanaraq, Blackberry® smartfonları (cib kompyuterinin funksiyalarına malik mobil telefon) vasitəsilə e-mail və internet, telefon zəngləri, SMS-mətn və SMS-şəkil, multimedia xidmətlərindən istifadə edə bilərlər.
“Bakcell Yaqut”un üzvləri üçün isə müxtəlif güzəştlər, yüksək xidmətlər, pulsuz səyahət, mobil telefonlar və s. şanslar təklif ediləcəkdir.
Son 1 ildə “Bakcell” şəbəkəsini genişləndirmiş və Azərbaycanın regionlarında əhatə dairəsini 2 dəfə artırmışdır. Şirkətin abonentlərinin sayı 2 milyona çatmışdır.
Şirkət öz müştərilərinə EDGE - yüksəksürətli internet də təklif edir.