Bakı Mühəndislik Universitetinin tələbəsi Londonda 54 ölkənin nümayəndəsi ilə yarışacaq
Xırdalan, 3 may, Ətrabə Rzayeva, AZƏRTAC
Dünyanın ən böyük natiqlik yarışmasını həyata keçirən “The English-Speaking Union” təşkilatının tərəfdaşı olan “Azerbaijan Public Speaking Competition” fəaliyyətini uğurla davam etdirir.
AZƏRTAC xəbər verir ki, bir çox natiqlik yarışması və maarifləndirici layihələr reallaşdıran platformanın təşkilatçılığı ilə gənc natiqlər konfransı keçirilib. Konfransda 10 natiqin “Gələcəyi təxmin etməyin ən yaxşı yolu onu kəşf etməkdir!” mövzusu ətrafındakı çıxışları maraqla qarşılanıb və münsiflər heyəti tərəfindən qiymətləndirilib. Müsabiqədə Azərbaycanın ən yaxşı 3 natiqi müəyyən olunub.
Bakı Mühəndislik Universitetinin tələbəsi Adil Qafarlı birinci yerə layiq görülüb və final mərhələsində Azərbaycanı təmsil etmək hüququ qazanıb. O, mayın 13-17-də Londonda 54 ölkənin nümayəndəsi ilə yarışaraq, dünyanın ən yaxşı natiqi olmaq uğrunda mübarizə aparacaq.
Konfransın əsas məqsədi ölkənin ən yaxşı gənc natiqlərini bir araya toplamaq və onların öz fikirlərini ifadə etmələrinə şərait yaratmaqdır.
Bölmənin digər xəbərləri
