İQTİSADİYYAT
Bakıda “KOB Fest” keçiriləcək
![Bakıda “KOB Fest” keçiriləcək](/files/2022/1/1200x630/16507009043674553967_1200x630.png)
Bakı, 23 aprel, AZƏRTAC
Kiçik və Orta Biznesin İnkişafı Agentliyi (KOBİA) Bakı sakinlərini və şəhərimizin qonaqlarını İçərişəhərdə (Qoşa Qala Meydanı) təşkil ediləcək “KOB Fest” - sərgi-satış yarmarkasına dəvət edir.
KOBİA-dan AZƏRTAC-a bildirilib ki, “Sahibkarlar Günü”nə həsr olunmuş ilk “KOB Fest” aprelin 25-26-da saat 10:00-dan 20:30-dək paytaxt sakinləri və şəhərimizin qonaqları üçün açıq olacaq. Yarmarkada 100-ə yaxın mikro və kiçik sahibkarlıq subyektinin 1000-dən çox çeşiddə məhsulu təqdim ediləcək.
Sərgi-satış yarmarkasında KOB subyektlərinin istehsal etdikləri qida və qeyri-qida məhsulları, sənətkarların və yaradıcı şəxslərin əl işləri, eləcə də xidmət sektorunda fəaliyyət göstərən KOB-ların xidmətləri nümayiş olunacaq. Festival müddətində ebru sənətinin, qum üzərində rəsm sənətinin və sair dekorativ tətbiqi sənət növlərinin KOB subyektləri tərəfindən master-klasları, eləcə də mədəni-əyləncəli proqram təqdim ediləcək.