BƏƏ-də ötən il 3 mindən artıq əcnəbi islamı qəbul edib
Əbu-Dabi, 15 mart, AZƏRTAC
2017-ci ildə Birləşmiş Ərəb Əmirliyində yaşayan 3014 əcnəbi vətəndaş islamı qəbul edib.
AZƏRTAC yerli “Khaleej Times” nəşrinə istinadla xəbər verir ki, bu rəqəmin artmasında “Dar əl-Ber” cəmiyyətinin islamın tolerant və mülayim din olduğunun təbliği ilə səciyyələndirilir.
Dubay və Ras-əl-Heymə əmirliklərindəki İslam informasiya mərkəzlərinin əməkdaşları islam dinini qəbul edənləri dəstəkləyir və bu dinin əsasları sahəsində maarifləndirir.
İslam informasiya mərkəzinin rəhbəri Rəşid Al Cunaybi bildirib ki, il ərzində ölkə vətəndaşlarının islam dini haqqında biliklərinin artırılması üçün xüsusi proqramlar həyata keçirilib və islamı yeni qəbul edən dindarlar üçün müxtəlif tədbirlər təşkil olunub.
Onun sözlərinə görə, 2785 nəfər Dubayda, 229 nəfər isə Ras-əl-Heymədə yerləşən mərkəzdə müsəlman dinini qəbul edib. İslam dinini qəbul edən BƏƏ sakinləri 69 milliyyət və 6 qitəni təmsil edir: 17-si Asiya, 15-i Afrika, 27-si Avropa, 2-si Şimali Amerika, 7-si Cənubi Amerika və Avstraliya ölkələridir.
Qeyd olunur ki, ötən il ərzində İslam informasiya mərkəzi tərəfindən xaricilər üçün 3798 dini və mədəni mühazirələr təşkil olunub, ölkə ərazisi üzrə 20 dildə əhalinin sualları cavablandırıb. İslam informasiya mərkəzinin əməkdaşları xarici vətəndaşların ziyarət etdiyi 150 obyektdə - muzeylərdə, ticarət mərkəzlərində, metro stansiyalarında və digər yerlərdə işləyib.
Asya Hacızadə
AZƏRTAC-ın xüsusi müxbiri
Əbu-Dabi
Bölmənin digər xəbərləri
