Bakı, 30 noyabr (AZƏRTAC). Belarus Respublikasının Azərbaycan Respublikasındakı səfirliyi yeni ünvanda fəaliyyət göstərəcəkdir.

AZƏRTAC xəbər verir ki, səfirlikdən alınan məlumata görə, Belarus Respublikasının Azərbaycan Respublikasındakı səfirliyi və səfirliyin konsul şöbəsi 2013-cü il dekabrın 2-dən aşağıdakı ünvanda yerləşəcəkdir: Bakı şəhəri, Xətai rayonu, N.Rəfiyev küçəsi, ev 8.

Xatırladaq ki, Belarus Respublikasının Azərbaycan Respublikasındakı səfirliyinin yeni binasının rəsmi açılış mərasimi noyabrın 20-də olmuşdur. Azərbaycan Respublikasının Prezidenti İlham Əliyev və Bakıda rəsmi səfərdə olan Belarus Respublikasının Prezidenti Aleksandr Lukaşenko açılış mərasimində iştirak etmişlər.