Bərdə, 2 yanvar (AZƏRTAC). Bərdə şəhərində Tərtər çayının sol sahilində “Qəhrəmanlar” parkının inşasında son tamamlama işləri aparılır.

AZƏRTAC xəbər verir ki, 4,5 hektar sahəni əhatə edən parkda 1941-1945-ci illər müharibəsində həlak olan bərdəlilərin xatirəsini əbədiləşdirən “Ana” abidəsi və Qarabağ müharibəsində həlak olmuş soydaşlarımızın xatirəsinə abidə inşa olunmuşdur. Burada, həmçinin fəvvarələr tikilmiş, 40 minədək bəzək ağacı və gül kolu əkilmiş, müasir işıqlandırma sistemi və oturacaqlar quraşdırılmışdır.

Yaxın vaxtlarda istifadəyə veriləcək “Qəhrəmanlar” parkı bərdəlilərin ən sevimli istirahət guşələrindən birinə çevriləcəkdir.