BİRİNCİ RÜBDƏ BİRJALARDA DÖVRİYYƏNİN HƏCMİ 3,3 DƏFƏ ARTMIŞDIR
Dövlət Statistika Komitəsindən AZƏRTAC-a bildirmişlər ki, ölkədə fəaliyyət göstərən birjaların birinci rübdə keçirdikləri 104 hərracda 2654,1 milyon manatlıq valyuta ehtiyatları, qiymətli kağızlar, daşınmaz əmlak və istehsal-texniki təyinatlı məhsullar satılmış, dövriyyənin ümumi həcmi ötən ilin müvafiq dövrü ilə müqayisədə 3,3 dəfə artmışdır.
Fəaliyyət göstərdiyi dövrdə keçirilən hərracların sayına və dövriyyənin ümumi həcminə görə Bakı Banklararası Valyuta və Bakı Fond birjaları xüsusi yer tutur. Ötən ilin eyni dövrünə nisbətən dövriyyənin həcmi Bakı Banklararası Valyuta Birjasında 2,1 dəfə artmış, 5,1 min manatlıq avro satılmış, Bakı Fond Birjasında isə 3,9 dəfə artmış, 2112,9 milyon manatlıq qiymətli kağız satılmışdır.
Bölmənin digər xəbərləri
