Bolqarıstan klubunun rəhbər şəxslərindən biri Plovdivdə güllələnərək öldürülüb
Bakı, 30 sentyabr, AZƏRTAC
Bolqarıstanın Plovdiv şəhərində iş adamı və “Botev” futbol klubunun rəhbər şəxslərindən biri İliyan Filipov güllələnərək öldürülüb.
AZƏRTAC xəbər verir ki, bu barədə Bolqarıstan Daxili İşlər Nazirliyi məlumat yayıb.
İlkin məlumata görə, hadisə gecə saat 01:00 radələrində baş verib. İliyan Filipov baş nahiyəsindən güllə yarası alıb və hadisə yerində həyatını itirib. Polis əməkdaşları hadisənin baş verdiyi ərazini mühasirəyə alaraq ətraf küçələrdə hərəkəti dayandırıblar.
Hazırda cinayətin hansı şəraitdə törədildiyi araşdırılır. Hadisə ilə bağlı saxlanılan və ya axtarışda olan şəxslər barədə hələlik məlumat yoxdur.
Bölmənin digər xəbərləri
