BP Birləşmiş Krallığın elektriklə işləyən şarj şəbəkəsi “Chargemaster”i alıb
Bakı, 28 iyun, AZƏRTAC
BP şirkəti (“British Petroleum”) Böyük Britaniyanın ən böyük elektriklə işləyən avtomobil şarj şəbəkəsinə malik “Chargemaster”i alıb.
AZƏRTAC xəbər verir ki, bu barədə BP məlumat yayıb. Bildirilir ki, şirkət Birləşmiş Krallıqda 6 min 500 yerdə xidmət göstərən ən böyük elektriklə işləyən avtomobil şarj şəbəkəsinə malik “Chargemaster”in alınmasına dair razılığa gəlib. Hazırda Böyük Britaniyada elektrik enerjisi ilə işləyən nəqliyyat vasitələrinin sayı 135 mindir və 2040-cı ildə göstəricinin 12 milyon olması gözlənilir.
BP-nin sözçüsü David Nikols deyib: “Elektrik enerjisi ilə işləyən avtomobil bazarı böyüyür və gələcəkdə əhəmiyyətli bir paya sahib olacaq”.
“Chargemaster”in bu sahədə lider olduğunu deyən BP sözçüsü bildirib: “Biz onlardan bu sahəni öyrənmək istəyirik, təbii ki, dünyanın hər yerində bu işi inkişaf etdirə bilərik”.
Britaniya mətbuatında BP-nin “Chargemaster”i 130 milyon funt sterlinqə aldığı bildirilir.
Bölmənin digər xəbərləri
