Bu il Samuxda iki məktəb binası inşa olunacaq
Samux, 19 aprel, Rauf Hacıyev, AZƏRTAC
Bu il Samux rayonunda iki məktəb binası tikiləcək, üçdən çox məktəbdə isə cari təmir işləri aparılacaq.
Bu barədə AZƏRTAC-ın bölgə müxbirinə Samux Rayon İcra Hakimiyyətindən məlumat verilib.
Bildirilib ki, hazırda rayonda 23-ü tam, 11-i ümumi orta, 1-i isə ibtidai məktəb olmaqla, 35 təhsil müəssisəsi fəaliyyət göstərir. Son 5 ildə rayon üzrə 10-dan çox məktəbdə əsaslı təmir işləri görülüb. Bu il aprelin 17-də rayon mərkəzindən 70 kilometr aralıda yerləşən, Gürcüstan ilə həmsərhəd ucqar yaşayış məntəqələrindən olan Burunqovaq kənd ümumi orta məktəbi üçün üç korpuslu 80 şagird yerlik modul tipli məktəb binası istifadəyə verilib.
Bölmənin digər xəbərləri
