CAR YAZIÇISININ NOBEL MÜKAFATI ALMASI QARALAR QİTƏSİNDƏ BÖYÜK SEVİNCƏ SƏBƏB OLDU

04.10.2003 [23:21]
Çap et
A⁺ A^-

Ədəbiyyat sahəsində Nobel mükafatının Con Maksvel Kutsiyeyə verilməsi ilə təkcə CAR deyil, bütün Afrika fəxr edir. Bunu CAR-ın prezidenti Tabo Mbeki İsveç Akademiyasının qərarını şərh edərkən söyləmiş və demişdir ki, o, Nadin Qordimerdən (1991) sonra bu mötəbər mükafata layiq görülən ikinci CAR yazıçısıdır və biz bundan qürur duyuruq.

Yazıçının təhsil alıb, 30 il dərs dediyi Keyptaun Universitetinin alimləri onu “müasir dövrun ən görkəmli romançılarından biri” adlandırmışlar. Con Kutsiye iki dəfə - 1984 və1999-cu illərdə aldığı “Buker” mükafatı da daxil olmaqla, bir çox beynəlxalq mükafatların sahibidir.

Con Kutsiye 1940-cı il fevralın 9-da Keyptaun şəhərində afrikanyor ailəsində anadan olmuşdur. Doğma dili afrikaans olsa da, əsərlərini ingiliscə yazır. Nobel mükafatının Con Kutsiyeyə verilməsi barədə İsveç Akademiyasının qərarında deyilir ki, onun əsərlərinin əsas mövzusu aparteid sisteminin təsiri hələ də qalmaqda olan Cənubi Afrika həyatının doğru-düzgün təsviridir.

CAR YAZIÇISININ NOBEL MÜKAFATI ALMASI QARALAR QİTƏSİNDƏ BÖYÜK SEVİNCƏ SƏBƏB OLDU

MÜƏLLİFLƏ ƏLAQƏ

Bölmənin digər xəbərləri