CARİ İLİN BİRİNCİ RÜBÜNDƏ BAKIDA 50 MİNDƏN ÇOX ELEKTRİK SAYĞACI QURAŞDIRILMIŞDIR
AZƏRTAC xəbər verir ki, 2008-ci ilin birinci rübündə Azərbaycan paytaxtında 50 mindən çox elektrik sayğacı quraşdırılmışdır.
“Bakıelektrikşəbəkə” ASC-nin ictimaiyyətlə əlaqələr şöbəsinin müdiri Tanrıverdi Mustafayev bildirmişdir ki, sayğacların quraşdırılması davam etdirilir.
ASC tərəfindən yenidənqurma işlərinin uğurla davam etdirildiyini, paytaxtın rayonlarında yeni yarımstansiyaların inşa edildiyini, elektrik enerjisi verilişi üzrə hava xətlərinin yeraltı kabellərlə əvəzləndiyini və yeni trnsformatorların quraşdırıldığını qeyd edən T.Mustafayev, bütün bu işlərin abonentlərə fasiləsiz və keyfiyyətli xidmət göstərilməsi üçün həyata keçirildiyini bildirmişdir.
Son dövrlər abonentlər tərəfindən elektrik enerjisi borclarının ödənilməsi istiqamətində irəliləyişlər vardır. Borclu abonentlərə verilmiş xəbərdarlıq müddəti isə aprelin 17-də saat 14.00-da başa çatmışdır.
Bölmənin digər xəbərləri
