Çaylarda suyun səviyyəsi ötən illə müqayisədə aşağıdır
Bakı, 19 may (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, mayın 19-da Böyük Qafqazın Quba-Xaçmaz bölgəsi çaylarında sululuq ongünlük normanın 45-90, Lənkəran-Astarada 30-60, Kiçik Qafqazda 75-85, Naxçıvan MR çaylarında isə 50 faizini təşkil edir.
Kür çayının Qıraqkəsəmən məntəqəsində su sərfi saniyədə 733 kubmetrə, Qanıx çayının Əyriçay məntəqəsində isə saniyədə 211 kubmetrə çatmışdır.
Kürün Surra məntəqəsində suyun səviyyəsi 713, Şirvanda 622, Salyanda 551, Bankədə 380, Araz çayının Novruzlu məntəqəsində isə 445 santimetr olmaqla, ötən ilin müvafiq dövrü ilə müqayisədə aşağıdır.
Bölmənin digər xəbərləri
