DƏNLİ BİTKİLƏRİN YENİ SƏPİN TEXNOLOGİYASI ÖYRƏNİLİR
Türkiyə istehsalı olan “Öztəkin” aqreqatı ilə yeni üsulla səpin apardıqda hər hektarda 100 kiloqramadək taxıl toxumuna qənaət etmək mümkündür. Səpinin şırımlarla aparılması taxılçılıqda yeni texnologiyadır və onun Azərbaycanda tətbiqi mütəxəssislər tərəfindən öyrənilir.
Kənd Təsərrüfatı Nazirliyi Aqrar - Elm Mərkəzindən AZƏRTAC-a bildirmişlər ki, ölkəmizə hələlik 3 belə səpin aqreqatı gətirilmişdir və hazırda yerli şəraitdə sınaqdan keçirilir.
Yeni səpin texnologiyası, həmçinin hər hektarda 25-30 faiz əkin suyuna da qənaət etməyə imkan verir.
Yaxın gələcəkdə perspektivli sayılan bu texnologiyanı respublikamızın suvarılan aran bölgələrində geniş tətbiqi nəzərdə tutulmuşdur.
Bölmənin digər xəbərləri
