ƏHALİ DÖVLƏT PROQRAMI HAQQINDA MAARİFLƏNDİRİLİR
“Yoxsulluğun azaldılması və iqtisadi inkişaf üzrə Dövlət Proqramı”nın həyata keçirilməsi gedişində görülən tədbirlərdən bir qismi də bu barədə əhalinin maarifləndirilməsinə yönəldilmişdir. Bu məqsədlə Proqram kütləvi tirajla nəşr olunmuş, disklərə, kassetlərə yazılmışdır. İqtisadi İnkişaf Nazirliyinin nəzdindəki “Yoxsulluğun azaldılması və iqtisadi inkişaf üzrə Dövlət Proqramı” katibliyindən müxbirimizə bildirmişlər ki, Bakıda Respublika kitabxanasında, Bərdədə və Gəncədəki mərkəzi kitabxanalarda Proqrama dair guşələr açılmış və onlar müvafiq ədəbiyyatlar, disklər və audiokassetlərlə təchiz edilmişdir. Həmin materiallar müxtəlif yerli və beynəlxalq təşkilatlara da göndərilmişdir. Proqramın adı disk və audiokassetlərin üzərində gözdən əlillərin istifadəsi üçün brayl hərfləri ilə də həkk olunmuşdur.Bu işlər OXFAM beynəlxalq təşkilatının maliyyə vəsaiti hesabına həyata keçirilmişdir.
