Romada İsrail ilə Livan arasında danışıqların son mərhələsi başlayıb
Bakı, 6 avqust, AZƏRTAC
Avqustun 6-da Romada ABŞ-nin vasitəçiliyi ilə keçirilən Livan-İsrail danışıqlarının yeddinci raundunun son mərhələsi başlayıb.
AZƏRTAC xarici mediaya istinadla xəbər verir ki, müzakirələr atəşkəs sazişinin həyata keçirilməsi mexanizmlərinə, İsrailin Livan ərazisindən çıxarılmasının başa çatdırılmasına və Livan ordusunun sərhəd bölgələrində yerləşdirilməsini gücləndirməyə yönəlib. Bu, ABŞ-nin vasitəçiliyi ilə aparılan danışıqlar prosesinin bir hissəsi olaraq, Vaşinqtonda keçirilən əvvəlki beş raunddan sonra Romanın ev sahibliyi etdiyi ikinci mərhələdir.
Beyrut və Tel-Əviv iyunun 26-da ABŞ-nin vasitəçiliyi ilə çərçivə sazişi imzalayıb. Saziş İsrailin işğal olunmuş Livan ərazisindən mərhələli şəkildə çıxarılmasını, təyin olunmuş ərazilərdə pilot modelin tətbiqinə başlanmasını nəzərdə tutur.
Bölmənin digər xəbərləri
