Federal Ehtiyatlar Sistemi faiz dərəcəsini dəyişməz saxlayıb
Vaşinqton, 30 iyun, AZƏRTAC
ABŞ Federal Ehtiyatlar Sistemi (FED) bu il beşinci dəfə qısamüddətli faiz dərəcəsini dəyişməz saxlayıb. AZƏRTAC-ın məlumatına görə, bu barədə qurumun sədri Cerom Pauell mətbuat konfransında açıqlayıb. Bununla o, Prezident Donald Trampın azalma ilə bağlı davamlı çağırışlarını rədd edib.
Qərara əsasən əsas qısamüddətli dərəcəsi təxminən 4,3 faiz səviyyəsində qorunacaq. Cerom Pauell tətbiq edilən tariflərin bəzi mallar üçün qiymət artımına töhfə verməyə başladığını, lakin siyasətin son təsirinin qeyri-müəyyən olaraq qaldığını söyləyib.
“İnflyasiyanın nəzarətdə saxlanılması üçün nə lazımdırsa, edəcəyik”,- deyə o bildirib.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
