Filarmoniyada “Ədəbi üfüqlər” müsabiqəsinin konsert proqramı təqdim edilib
Bakı, 16 mart, X.Məmmədova, AZƏRTAC
Martın 16-da M.Maqomayev adına Dövlət Akademik Filarmoniyasında Azərbaycan Televiziyasının “Mədəniyyət” kanalının və Yazıçılar Birliyinin birgə layihəsi olan “Ədəbi üfüqlər” adlı şeir müsabiqəsinin qaliblərinin sözlərinə yazılmış mahnılardan ibarət konsert keçirilib.
AZƏRTAC xəbər verir ki, “Mədəniyyət” kanalının direktoru Ramil Qasımov və Azərbaycan Yazıçılar Birliyinin katibi İlqar Fəhmi layihənin əhəmiyyətindən danışıblar. Qeyd edilib ki, müsabiqənin əsas məqsədi ölkəmizin inkişafını poetik müstəvidə işıqlandırmaq, yüksək səviyyəli poeziya nümunələrini geniş tamaşaçı kütlələri arasında təbliğ etməkdir.
Daha sonra Əməkdar artistlər Cahangir Qurbanov, Gülnaz İsmayılova, İlahə Əfəndiyeva, Səbinə Vahabzadə, Fəxri Kazım Nicat, Orxan Cəlilov, müğənnilər Aynur İsgəndərli, Tural Ağasıyev, Ərəstun Quliyev, Elnur Feyzullayev, Taleh Yəhyayevin ifalarında gənc şairlərin sözlərinə bəstələnmiş nəğmələr səslənib.
Bölmənin digər xəbərləri
