GƏNCLƏR, İDMAN VƏ TURİZM NAZİRLİYİNİN KOLLEGİYA İCLASI
Avqustun 9-da Gənclər, İdman və Turizm Nazirliyinin kollegiya iclası olmuşdur. Nazir Əbülfəz Qarayev iclasda çıxış edərək dedi ki, son vaxtlar respublikanın rayonlarında fəal surətdə olimpiya idman kompleksləri tikilir. Bu, ölkənin idman həyatında gənclərin iştirakı, bədən tərbiyəsinin inkişafı üçün güclü təkandır. İclasda Azərbaycan idmançılarının müxtəlif beynəlxalq yarışlarda iştirakına da yekun vuruldu və bildirildi ki, onlar 2004-cü ildə Afinada keçiriləcək Olimpiya oyunlarına fəal hazırlaşmalıdırlar.
Çıxışlarda gənclərin qarşıdakı referendumu dəstəklədiyi və ümumxalq səsverməsində fəal iştirak edəcəyi də vurğulandı.
Bölmənin digər xəbərləri
