GÖRKƏMLİ RUS ŞAİRİNİN ŞERLƏRİ AZƏRBAYCAN DİLİNDƏ ÇAPDAN ÇIXMIŞDIR
Görkəmli rus şairi Boris Pasternakın yaradıcılığı Azərbaycan oxucularına yaxşı tanışdır. Onun insanları daim düşünməyə, həyat həqiqətlərinə açıq gözlə baxmağa çağıran lirik poeziyası dəfələrlə tərcümə olunaraq çap edilmişdir. Tanınmış şair-tərcüməçi Məmməd Alim rus şairinin yaradıcılığına bir daha müraciət etmiş və onun əsərlərindən ibarət nümunələri “Poeziyanın səhra ulduzu” adlı yeni nəşrlə oxuculara təqdim etmişdir. Xalq şairi Fikrət Qoca kitaba yazdığı ön sözdə qeyd edir ki, istedadlı şair Məmməd Alim dünya klassiklərindən etdiyi digər tərcümələr kimi, bu kitabda da, müəllifin hiss və duyumlarını həssaslıqla verə bilmişdir. Kitabda şerlərin rus dilindəki orijinalları da təqdim edilmişdir ki, bu tərcüməçinin tələbkar oxucular qarşısında, bir növ, hesabatıdır.
Bölmənin digər xəbərləri
