GÜRCÜSTANDA DEPUTATLIĞA NAMİZƏDLƏR NARKOLOJİ MÜAYİNƏDƏN KEÇMƏLƏRİ BARƏDƏ ARAYIŞI İYUNUN 4-DƏK TƏQDİM ETMƏLİDİR
AZƏRTAC-ın xüsusi müxbiri xəbər verir ki, Gürcüstanda mayın 21-də keçirilmiş parlament seçkilərində qalib gələnlər narkoloji müayinədən keçmələrinə dair arayışları iyunun 4-dək təqdim etməlidirlər.
Gürcüstan Seçki Məcəlləsinin 107-ci maddəsinə əsasən arayışda göstərilməlidir ki, parlament üzvlüyünə namizəd narkoman, yaxud narkotik maddədən istifadə edən deyil. Parlament vaxtında arayış təqdim etməyən namizədin səlahiyyətlərini tanımayacaq, MSK həmin namizədin seçildiyi dairədə yenidən seçkilərin keçirilməsinə dair qərar qəbul edəcəkdir. Proporsional sistem üzrə seçilən namizədi isə siyahıda ondan sonra gələn namizəd əvəz edəcəkdir.
Bölmənin digər xəbərləri
