“Halal” qida standartlarının tətbiqi ilə bağlı təlimlərə başlanılmışdır
Bakı, 2 aprel (AZƏRTAC). Azərbaycan Respublikasının Standartlaşdırma, Metrologiya və Patent üzrə Dövlət Komitəsinin (SMPDK) Təcrübə-Sınaq Mərkəzi (AzTEST) “halal” qida standartlarının tətbiqi ilə bağlı təlimlərə başlamışdır.
SMPDK-dan AZƏRTAC-a bildirilmişdir ki, müəssisələr üçün ilk təlimlərin aprelin 17-19-da keçirilməsi planlaşdırılır. Bunun üçün Türkiyənin Səlcuq Universitetinin Qida mühəndisliyi bölməsinin ət məhsulları üzrə mütəxəssisi professor Mustafa Karakaya dəvət edilmişdir. Əsas mövzu SMPDK tərəfindən təsdiq edilmiş “Halal qida. Ümumi tələblər” və “Halal” ət məhsulları. İstehsalı, daşınması, saxlanılması və satışı üzrə ümumi tələblər” dövlət standartlarının müəssisələrdə tətbiqi ilə bağlıdır.
Bölmənin digər xəbərləri
