Kanadanın nazir müavini: Yeni Şəhərsalma Proqramı şəhər inkişafına yanaşmanı daha inklüziv edib

17.05.2026 [11:51]
Çap et
A⁺ A^-

Bakı, 17 may, AZƏRTAC

Yeni Şəhərsalma Proqramı son 10 ildə Kanadada şəhər və icmaların inkişafına yanaşmanın daha insan mərkəzli, inteqrasiya olunmuş və inklüziv modelə keçidinə töhfə verib.

AZƏRTAC xəbər verir ki, bu fikirləri Kanadanın mənzil, infrastruktur və icmalar nazirinin müavini vəzifəsini icra edən Janet Golding Bakıda keçirilən Ümumdünya Şəhərsalma Forumunun 13-cü Sessiyası (WUF13) çərçivəsində nazirlərin dəyirmi masasında səsləndirib.

Janet Golding Azərbaycan tərəfinə forumun təşkilinə və iştirakçılara göstərilən qonaqpərvərliyə görə təşəkkür edib. Bildirib ki, Kanada 2016-cı ildə Yeni Şəhərsalma Proqramının qəbulundan sonra milli mənzil siyasətini bu prinsiplərə uyğunlaşdırmaq istiqamətində mühüm addımlar atıb.

_{Müxbir -Pərvanə Qafarova, Günel Alıyeva}

_{Fotoqraf - İlqar Cəfərov}

_{Videooperator - Ceyhun Mustafayev}