İraqda iranlı zəvvarların avtobusuna silahlı hücum nəticəsində 7 nəfər yaralanıb
Bakı, 4 fevral, AZƏRTAC
“İslam dövləti” terror təşkilatı silahlılarının iranlı zəvvarları İraqın Kərbəla şəhərinə aparan avtobusa silahlı hücumu nəticəsində 6 iranlı və 1 iraqlı yaralanıb.
AZƏRTAC Assosiated Press agentliyinə istinadla xəbər verir ki, İraqın “Həşd-əl-Şahabi” çevik mühafizə qüvvələrinin məlumatına görə, avtobus İraqın mərkəzindəki Bələd şəhərində atəşə tutulub. “Silahlı hücum İŞİD terrorçuları tərəfindən törədilib və “Həşd-əl-Şahabi” əsgərlərinin keçirdiyi əməliyyat nəticəsində onlar hadisə yerindən qaçıblar”-deyə məlumatda qeyd olunur.
Yaralı zəvvarlar xəstəxanaya çatdırılıb, onlardan bir neçəsinin vəziyyətinin ağır olduğu bildirilir.
Bölmənin digər xəbərləri
