KEÇMİŞ YEPİSKOP FERNANDO LUQO PARAQVAYIN YENİ PREZİDENTİ SEÇİLMİŞDİR
AZƏRTAC xəbər verir ki, sabiq yepiskop Fernando Luqo Paraqvayın yeni prezidenti seçilmişdir. Rəsmi məlumata görə, bülletenlərin 80 faizi yoxlanıldıqdan sonra o, seçicilərin 40,8 faiz səsini toplamışdır. F.Luqonun rəqibləri məğlub olduqlarını etiraf edərək, onu qələbə münasibətilə təbrik etmişlər.
F.Luqonun namizədliyi iri müxalifət hərəkatlarının və partiyaların daxil olduqları “Dəyişikliklər uğrunda Vətənpərvərlik Alyansı” tərəfindən irəli sürülmüşdü. Sabiq yepiskopun seçkilərdə qalib gəlməsi ölkənin tarixində yeni səhifə açacaqdır. Çünki son 60 ildə ölkədə iqtidarda “Kolorado” partiyası olmuşdur.
Fernando Luqo ölkədə milli barışıq, azad və müstəqil ədalət məhkəməsi, iqtisadiyyatın sosial bərabərlik zəminində inkişaf etdirilməsi prinsiplərinə əsaslanan xətt yeridəcəyini vəd etmişdir.
Bölmənin digər xəbərləri
