Kürdəmirdə çiyid səpininə başlanılıb
Kürdəmir, 14 aprel, AZƏRTAC
Ciddi hazırlıqdan sonra Kürdəmir rayonunda çiyid səpini kampaniyasına start verilib.
Rayon icra hakimiyyətindən AZƏRTAC-ın bölgə müxbirinə bildirilib ki, cari mövsümdə bölgədə 5030 hektarda əkin nəzərdə tutulub ki, bu da ötən ildəkindən 1000 hektar çoxdur. Səpin aparılacaq sahələr vaxtında şumlanıb, arata qoyulub, malalanaraq hazır vəziyyətə gətirilib. Əkinə 27 səpin aqreqatı cəlb olunub.
Çiyid səpininə ilkin olaraq Qarasu, Yenikənd, Atakişili, Karrar yaşayış məntəqələrinin ərazilərində başlanılıb. “MKT İstehsalat Kommersiya” MMC və Kənd Təsərrüfatı MMC ilə başlanan müqaviləyə əsasən pambıq istehsalçıları lazımi texnika, toxum, gübrə ilə tam təmin edilir.
Rayonda bu mühüm kampaniyanın 15-20 iş günündə başa çatdırılacağı planlaşdırılır.
Bölmənin digər xəbərləri
