MAGİSTRAL NEFT VƏ QAZ KƏMƏRLƏRİ İLƏ DAŞIMALARIN HƏCMİ ARTMIŞDIR
Dövlət Statistika Komitəsindən AZƏRTAC-a bildirmişlər ki, 2008-ci ilin birinci rübündə yük daşınmasının artımında əsas rol oynamış magistral neft kəmərləri ilə 11,8 milyon ton neft nəql edilmişdir.
Nəqletmənin dörddəüç hissəsi Bakı-Tbilisi-Ceyhan neft kəməri ilə həyata keçirilmiş və ötən dövrdə Bakıdan 8,8 milyon ton neft ötürülmüşdür. Ümumilikdə, magistral neft kəmərləri ilə nəql edilmiş neftin həcmi əvvəlki ilin eyni dövrü ilə müqayisədə 35,6 faiz artmışdır.
Hesabat dövründə magistral qaz kəmərləri ilə ötən ilin eyni dövrü ilə müqayisədə 80,7 faiz çox qaz nəql edilmişdir. Bunun 27,6 faizi yeni istismara verilmiş Bakı-Tbilisi-Ərzurum boru kəməri vasitəsilə həyata keçirilmişdir. Bu kəmərlə 1,2 milyon kubmetr qaz ötürülmüşdür.
Bölmənin digər xəbərləri
