Maqnitoqorskda yaşayış binasında baş verən partlayış nəticəsində ölənlərin sayı 4-ə çatıb
Bakı, 31 dekabr, AZƏRTAC
Dekabrın 31-də yerli vaxtla saat 4:00 radələrində Rusiyanın Maqnitoqorsk şəhərində yaşayış binasında qaz sızması nəticəsində baş vermiş partlayış nəticəsində ölənlərin sayı 4 nəfərə çatıb.
AZƏRTAC TASS agentliyinə istinadla xəbər verir ki, partlayış nəticəsində binanın bir hissəsi çöküb. Hazırda 68 nəfərin taleyi barədə məlumat yoxdur.
Rusiya Fövqəladə Hallar Nazirliyinin 350-dək əməkdaşı və 26 texnikası hadisə yerinə cəlb olunub. Xilasetmə işləri davam edir.
Bölmənin digər xəbərləri
