Maqnus Karlsen: Şəmkirdə şahmat haqqında düşünmək üçün əla şərait var
Şəmkir, 1aprel, Səxavət Quliyev, AZƏRTAC
Azərbaycanın tanınmış qrossmeysteri, mərhum Vüqar Həşimovun xatirəsinə həsr olunmuş “Shamkir Chess 2019” superturnirinin ikinci turunda hindistanlı Vişvanatan Ananda qalib gələn dünya çempionu Maqnus Karlsen (Norveç) rəqibinin mətbuat konfransını əsəbi halda yarımçıq tərk etməsinə münasibət bildirib.
AZƏRTAC xəbər verir ki, şahmatçı belə halları normal qarşıladığını deyib: “Anand uduzduğuna görə məyus olub. Onu tənqid edə bilmərəm. Öncədən dedi ki, getmək istəyir və birinci sualı ona verəsiniz. Hər zaman Anandla oynamaq mənə maraqlı olub. Onunla oyuna ciddi hazırlaşıram. İndi qalib gəldiyimə görə sevinirəm. Düşünürəm ki, Anandın məğlub olmasının səbəbi oyuna köklənə bilməməsi oldu. Fikrimcə, Anand dünyanın ən güclü şahmatçılarından biridir. Ona qarşı açıq mübarizə aparmaq çətindir. Aramızda prinsipiallıq yoxdur. Sadəcə bu qələbəyə sevinməyim normaldır. Axı rəqib adi şahmatçı deyil”.
Dünya çempionu hər zaman qatıldığı turnirlərdə qalib gəlmədiyini, ancaq Şəmkirdə birincilik üçün yaxşı atmosferin olduğunu deyib: “Bütün yarışlarda qalib gəlmək mümkün deyil. Üç dəfə Şəmkir turnirində iştirak etmişəm və qalib gəlmişəm. Şəmkirdə şahmat haqqında düşünmək üçün əla şərait var. Təşkilatçılıq yüksək səviyyədədir, ona görə bu il də Şəmkiri çempion kimi tərk etmək istərdim”.
Bölmənin digər xəbərləri
