Misirin “Aldiplomasy” qəzeti ulu öndər Heydər Əliyevə həsr edilmiş məqalə yayıb
Qahirə, 10 may, AZƏRTAC
Misirin “Aldiplomasy” qəzeti ölkəmizin Səudiyyə Ərəbistanındakı səfiri Şahin Abdullayevin ulu öndər Heydər Əliyevin anadan olmasının 97-ci ildönümünə həsr etdiyi məqaləsini yayıb.
AZƏRTAC xəbər verir ki, məqalədə dahi şəxsiyyət Heydər Əliyevin siyasi fəaliyyəti haqqında ətraflı danışılır.
Yazıda Ulu Öndərin istər Sovet İttifaqının rəhbərlərindən biri, istərsə də müstəqil Azərbaycanın qurucusu kimi xalqımız qarşısında misilsiz xidmətlərindən, onun əsasını qoyduğu neft strategiyasından, ölkəmizin beynəlxalq nüfuzunun artması istiqamətində atdığı müdrik addımlardan, həyata keçirilən transmilli layihələrdən, həmçinin Afrika və Yaxın Şərq ölkələri ilə əməkdaşlığın inkişafı üzrə gördüyü tədbirlərdən geniş bəhs edilir.
Həmçinin qeyd olunur ki, Heydər Əliyevin müdrik siyasətini davam etdirən Prezident İlham Əliyevin səyləri nəticəsində Azərbaycanda siyasi, iqtisadi və sosial sahələrdə böyük uğurlar əldə olunub.
Müəllif Ulu Öndərin və Prezident İlham Əliyevin Yaxın Şərqin ən mühüm ölkəsi olan Səudiyyə Ərəbistanı ilə əlaqələrin inkişafı sahəsində həyata keçirdikləri uğurlu siyasətdən də ətraflı söz açır.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
