Muxtar respublikada taxıl biçininə başlanılıb
Naxçıvan, 19 iyun, AZƏRTAC
Naxçıvan Muxtar Respublikasında taxıl biçini mövsümünə start verilib.
AZƏRTAC-ın bölgə müxbiri xəbər verir ki, bu il muxtar respublikada 17582,6 hektar sahədə taxıl əkilib. Əkin sahələrinin 8275,7 hektarında buğda, 9306,9 hektarında isə arpa əkilib. Bu günədək 2423,3 hektar sahədə biçin aparılıb. Ən yüksək məhsuldarlıq 31,2 sentner olmaqla, Şərur rayonunda qeydə alınıb. Ən çox əkin sahəsi isə Babək rayonunun payına düşür. Rayonda 2163,5 hektarı buğda, 2986,1 hektarı arpa olmaqla, ümumilikdə, 5149,6 hektar sahədə əkin həyata keçirilib. Hazırda rayonda 618,9 hektar sahədə biçin başa çatıb.
Taxıl biçini prosesinin effektiv təşkili üçün Kənd Təsərrüfatı Nazirliyi nəzdində Mərkəzi Qərargah yaradılıb, texnika və avtomobillər hazır vəziyyətə gətirilib və 77 kombayn işə cəlb olunub.
Bölmənin digər xəbərləri
