“Naxçıvan-2018” Beynəlxalq Şahmat Festivalının 9-cu turunda maraqlı qarşılaşmalar olacaq
Naxçıvan, 10 may, AZƏRTAC
Ümummilli lider Heydər Əliyevin anadan olmasının 95-ci ildönümünə həsr olunmuş “Naxçıvan-2018” Beynəlxalq Şahmat Festivalının doqquzuncu turunda “A” qrupunun liderləri - qrossmeyster Nicat Məmmədov Hollandiya təmsilçisi Sergey Tviyakovla qarşılaşacaq. Səkkiz turdan sonra onların hər birinin hesabında 6 xal var.
AZƏRTAC-ın Naxçıvan bürosu xəbər verir ki, digər görüşlərdə azərbaycanlı qrossmeyster, turnirin ən reytinqli şahmatçılarından olan Eltac Səfərli İspaniya təmsilçisi qrossmeyster Oleq Korneyevlə, ukraynalı qrossmeyster Anton Korobov qazaxıstanlı beynəlxalq usta Pak Yevgeni ilə üz-üzə gələcək.
“B” qrupunda Uğur İlyaslı Fariz Əhmədovla, Samir Davidov Şəhriyar İsgəndərovla, İran təmsilçisi Saeb Barzegar Şahin Hüseynovla qarşılaşacaq.
Beynəlxalq Şahmat Festivalının “C” qrupunda isə Zahid Allahverdiyev-Sadiq Abbasov, Əli Züqanov-Murad Mehdizadə, Uğur Həsənli-Niyazi Qafarov görüşləri keçiriləcək.
Bölmənin digər xəbərləri
