NİDERLAND VƏ TÜRKİYƏ ƏMƏKDAŞLIĞI MÖHKƏMLƏNDİRİRLƏR
AZƏRTAC xəbər verir ki, Niderlandın xarici işlər naziri Maksim Verhahen və onun türkiyəli həmkarı Əli Babacan rəsmi, mədəni və işgüzar əlaqələrin gücləndirilməsi haqqında müqavilə imzalamışlar.
Müqavilənin imzalanma mərasimi Niderland və Türkiyə dövlət qulluqçularının nəqliyyat, ədliyyə və ətraf mühit sahəsində əməkdaşlıq münasibətlərini müzakirə etdikləri konfransdan əvvəl olmuşdur.
Nazirlərin danışıqlarının əsas mövzusu bir neçə məsələ, o cümlədən Türkiyənin Avropa İttifaqına daxil olması imkanı olmuşdur. M.Verhahenin sözlərinə görə, bu məsələdə Niderlandın mövqeyi ciddi, lakin ədalətlidir. O hesab edir ki, Türkiyə Avropa İttifaqına daxil olmaq üçün bütün tələbləri yerinə yetirəcəyi halda, Aİ öz öhdəliklərinə sadiq olmalıdır.
Cənab Verhahen əlavə etmişdir ki, Niderland demokratiya, insan hüquqları və hüquqi sahələrdə islahatların həyata keçirilməsində Türkiyəyə kömək göstərməyə hazırdır.
Bölmənin digər xəbərləri
