NİZAMİNİN “XƏMSƏ”SİNİN ƏLYAZMASI BƏRPA OLUNMUŞDUR
AZƏRTAC xəbər verir ki, Avstriya Milli Kitabxanasında Azərbaycan üçün çox əhəmiyyətli və qədim mədəniyyətimizi əks etdirən 17 nadir əlyazma aşkar edilmişdir. Kitabxanada saxlanılan əlyazmalar arasında dahi Azərbaycan şairi Nizaminin beş poemadan ibarət “Xəmsə”si xüsusilə əhəmiyyətlidir. Azərbaycan xalqının ümummilli lideri Heydər Əliyevin himayəsi ilə həmin qiymətli əsərin bərpasına 2002-ci ildən başlanılmışdır.
Hazırda bərpa işləri başa çatmış və “Xəmsə” əlyazmasının bərpa prosesini özündə əks etdirən CD Mədəniyyət və Turizm Nazirliyinə verilmişdir. İndi böyük Nizaminin “Xəmsə”si Avstriya Milli Kitabxanasının “Azərbaycan əlyazmaları” sərgisində nümayiş etdirilir. Avstriyanın Milli Kitabxanasında Məhəmməd Füzulinin, Xaqani Şirvaninin, Saib Təbrizinin, Mahmud Şəbüstərinin və başqalarının əsərlərinin əlyazmaları da mühafizə olunur.
Avstriya Milli Kitabxanasında saxlanılan nadir kitabların himayədarları sırasında Fransanın keçmiş Prezidenti Jak Şirak, ABŞ-ın keçmiş Prezidentinin həyat yoldaşı Hillari Klinton, mərhum Roma Papası II İohann Pavel, İordaniya şahzadəsi Həsən, Moskvanın meri Yuri Lujkov və başqaları vardır.
Bölmənin digər xəbərləri
