QİYMƏTLİ KAĞIZLARA DAİR REGİONAL KONFRANS KEÇİRİLMİŞDİR
AZƏRTAC xəbər verir ki, Bakı Fond Birjası (BFB) «Fond bazarı: bizimlə öyrənin və qazanın» kampaniyası çərçivəsində Azərbaycanda İxracın və İnvestisiyaların Təşviqi Fondu (AZPROMO) və Azərbaycan Respublikası Prezidenti yanında Qiymətli Kağızlar üzrə Dövlət Komitəsinin dəstəyi ilə Lənkəran şəhərində qiymətli kağızlara dair növbəti regional konfrans keçirmişdir.
Sahibkarların, yerli müəssisə və şirkətlərin, eləcə də İqtisadi İnkişaf Nazirliyinin Lənkəran şəhər idarəsi nümayəndələrinin iştirak etdikləri konfransda BFB-nin, Qiymətli Kağızlar üzrə Dövlət Komitəsinin və Milli Depozit Mərkəzinin təmsilçıləri, «AzərİnterTreyd» və «Texnika Kapital Menecment» broker şirkətlərinin rəhbərləri fond bazarı, buradakı infrastruktur, perspektivlər və imkanlar barədə ətraflı məlumat vermişlər.
