REGİONLAR
Şəmkirdə dövlət qulluqçuları üçün zona seminar-müşavirəsi keçirilib ViDEO
Şəmkir, 21 aprel, AZƏRTAC
Dövlət qulluqçularının xidməti fəaliyyətinin təkmilləşdirilməsi, peşəkarlığının artırılması məqsədilə aprelin 21-də Şəmkir rayonundakı “Meredian” otelində “İnsan resurslarının idarə edilməsi, dövlət qulluqçusundan tələb olunan bacarıqlar” mövzusunda zona seminar-müşavirəsi keçirilib.
AZƏRTAC xəbər verir ki, Gənclər və İdman Nazirliyi tərəfindən təşkil olunan seminarda Gəncə, Yevlax, Mingəçevir şəhərlərinin, Şəmkir, Gədəbəy, Tovuz, Samux, Qazax, Ağstafa, Daşkəsən rayonlarının rəhbər vəzifəli şəxsləri iştirak edib.
Tədbirdə insan resurslarının düzgün idarə olunması, idarəetmənin funksiyaları və idarəçilik məharəti, insan kapitalı, mativasiya, idarəetmədə idarəçilik məharəti və sosial-pisixoloji faktorlar, iş bölgüsü və iş vaxtının bölüşdürülməsinə dair nazirliyin məsul əməkdaşı Namiq Abdullayev çıxış edib və müvafiq təqdimatlar keçirilib. Sonra geniş müzakirələr və təcrübə mübadilələri aparılıb.
Sonda seminar iştirakçıları test tapşırıqlarını yerinə yetiriblər.