BMT: Sudanda yenidən başlayan qarşıdurma nəticəsində 27 nəfər ölüb
Bakı, 13 may, AZƏRTAC
Şimali Darfurun paytaxtı El Faşer şəhərində Sudan Silahlı Qüvvələri ilə Çevik Dəstək Qüvvələri arasında yenidən başlayan qarşıdurma nəticəsində azı 27 mülki şəxs həlak olub, 130-a yaxın insan yaralanıb. AZƏRTAC xəbər verir ki, bu barədə BMT-nin Humanitar Məsələlər üzrə Koordinasiya Ofisinin hesabatında bildirilib. Qarşıdurmalar səbəbindən təxminən 850 nəfərin müxtəlif yerlərə köçdüyü qeyd edilib.
Son məlumata görə, 2023-cü il aprelin 15-də başlayan münaqişə nəticəsində indiyədək 15 min 550 ölüm hadisəsi qeydə alınıb, köçkünlərin sayı isə 8,7 milyon nəfərə çatıb.
Bölmənin digər xəbərləri
