“Simurq” musiqi festivalının qalibi müəyyənləşdirilib
Bakı, 6 may, AZƏRTAC
Bakı Musiqi Akademiyasında Təhsil Nazirliyinin dəstəyi və Bakı Media Mərkəzinin təşkilatçılığı ilə keçirilən “Simurq” musiqi festivalının bağlanış mərasimi olub.
Təhsil Nazirliyindən AZƏRTAC-a bildiriblər ki, festivalın başlıca məqsədi Azərbaycanın gənc, istedadlı musiqiçilərini önə çıxarmaq, onlara dəstək olmaq, ifaçılıq sənətində peşəkar bilik və bacarıqlar öyrətməkdir.
Festivala 100-ə yaxın gənc pianoçu qatılıb. Finala çıxan 6 nəfər azərbaycanlı iştirakçı Azərbaycan və Rusiyadan olan münsiflər heyəti tərəfindən qiymətləndirilib.
Festivalın yekununda Bakı şəhəri 23 nömrəli ümumtəhsil məktəbinin şagirdi Ləman Seyidova qalib gəlib. Qalib təşkilatçılar tərəfindən diplomla təltif olunub.
Bölmənin digər xəbərləri
