Sudanda Hərbi Şura ilə müxalifət qüvvələri arasında razılıq əldə edilib
Əddis-Əbəbə, 17 iyul, AZƏRTAC
Sudanda keçid Hərbi Şura ilə əsas müxalifət qüvvəsi olan “Azadlıq və dəyişikliklər uğrunda qüvvələr” birliyi arasında ölkədə vəziyyətin tənzimlənməsi və keçid dövrünün əsas mərhələlərinə dair razılıq əldə olunub.
AZƏRTAC “Skay News Arabia” telekanalının məlumatına istinadla xəbər verir ki, razılaşmada Konstitusiya deklarasiyasına toxunulmur, ancaq keçid dövrünə aid bəndlər yer alır.
Tərəflər, həmçinin bu məsələ ilə əlaqədar danışıqların ən yaxın zamanda davam etdirilməsi barədə də razılıq əldə ediblər.
Asya Hacızadə
AZƏRTAC-ın xüsusi müxbiri
Əddis-Əbəbə
Bölmənin digər xəbərləri
