TÜRKİYƏ BÖYÜK MİLLƏT MƏCLİSİNİN SƏDRİ KÖKSAL TOPTAN AZƏRBAYCANA RƏSMİ SƏFƏRƏ GƏLƏCƏKDİR
AZƏRTAC xəbər verir ki, Türkiyə Böyük Millət Məclisinin sədri Köksal Toptan Azərbaycan Parlamentinin 90 illik yubileyi tədbirində iştirak etmək üçün iyunun 17-də Azərbaycana rəsmi səfərə gələcəkdir.
Köksal Toptan Milli Məclisin sədri Oqtay Əsədov ilə görüşəcək, Heydər Əliyev Fondunda, Səngəçal neft terminalında olacaq, Bakı-Türk Anadolu Liseyinə, Qafqaz Universitetinə baş çəkəcəkdir.
Qafqaz Universitetində Köksal Toptana bu ali təhsil ocağının fəxri doktoru adı veriləcəkdir.
Türkiyə Böyük Millət Məclisinin sədri Fəxri xiyabanda ümummilli lider Heydər Əliyevin məzarını, Şəhidlər xiyabanını və şəhid türk əsgərlərinin memorialını da ziyarət edəcəkdir.
Bölmənin digər xəbərləri
