Türkiyədə axtarışa verilən daha bir təhlükəli terrorçu təslim olub
Ankara, 16 yanvar, AZƏRTAC
Türkiyədə axtarışa verilən daha bir təhlükəli PKK-çı hüquq-mühafizə orqanlarına təslim olub.
AZƏRTAC xəbər verir ki, bu barədə Şırnak valiliyindən məlumat yayılıb. Bildirilir ki, Türkiyənin Daxili İşlər Nazirliyi tərəfindən axtarışa verilən Rıdvan Ertaş adlı terrorçu Habur gömrük-keçid məntəqəsində könüllü olaraq təhlükəsizlik qüvvələrinə yaxınlaşıb. Diyarbəkirdə PKK sıralarına daxil olan bu terrorçunun ələ keçirilməsi üçün 300 min Türkiyə lirəsi ayrılmışdı.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
