Türkiyədə polisin yaradılmasının 174-cü ildönümü qeyd edilir
İstanbul, 10 aprel, AZƏRTAC
Aprelin 10-da Türkiyə polisinin yaradılmasının 174-cü ildönümü qardaş ölkədə geniş qeyd olunur.
AZƏRTAC xəbər verir ki, 174 il əvvəl - 1845-ci il aprelin 10-da “Polis Nizamnaməsi”nin qəbul edilməsi ilə Türkiyə polisi rəsmən fəaliyyətə başlayıb.
Ötən ilin statistik göstəricilərinə əsasən, Türkiyənin polis təşkilatının sıralarında 292 min 208 əməkdaş çalışır. Onların 276 min 94-ü təhlükəsizlik xidmətlərində, 16 min 114-ü isə digər sahələrdə fəaliyyət göstərir.
Ölkədə asayişin təmin olunmasında fasiləsiz xidmət aparan qurumun əməkdaşlarının 93 faizi kişilər, 7 faizi isə qadınlardan ibarətdir.
Ötən il ölkədə 15 min 333 nəfər polis orqanlarına xidmətə daxil olub.
Günel Məlikova
AZƏRTAC-ın xüsusi müxbiri
İstanbul
Bölmənin digər xəbərləri
