XALQ ARTİSTİ RAMİZ QULİYEV OĞLU ƏYYUBLA SƏFƏRƏ HAZIRLAŞIR
Professor, xalq artisti Ramiz Quliyev AZƏRTAC-ın müxbirinə demişdir ki, ilk konsert Norveçin Bergen şəhərində veriləcəkdir. “Statoyl” Neft Şirkəti tərəfindən təşkil olunacaq konsertdə Ramiz və Əyyub Quliyevlər Norveç Dövlət Simfonik Orkestri ilə çıxış edəcəklər.
Norveçdən sonra hər iki sənətkar konsert proqramını Berlin, Frankfurt və Dortmund şəhərlərində davam etdirəcəkdir. Almaniya-Azərbaycan Cəmiyyətinin dəvəti ilə bu ölkədə qonaq olacaq azərbaycanlı tar ifaçılarını Köln Musiqi Konservatoriyasının müəllimləri müşayiət edəcəklər.
Qeyd olunmuşdur ki, iki şöbədən ibarət veriləcək konsertlər dahi Üzeyir Hacıbəyovun məşhur üvertürası ilə başlayacaqdır. Eyni zamanda konsertlərdə tanınmış Azərbaycan bəstəkarları ilə bərabər Qərbi Avropa və rus bəstəkarlarının da əsərləri səslənəcək, klassik muğam və xalq mahnılarımız ifa olunacaqdır.
Konsert səfəri bir həftə davam edəcəkdir.
Bölmənin digər xəbərləri
