Yaponiyanın müxalifət partiyaları parlamentə qayıdıblar
Tokio, 8 may, AZƏRTAC
Mayın 8-də günün ikinci yarısında Yaponiyanın müxalifət partiyaları parlamentin aşağı palatasında aparılan müzakirələrə qatılıblar.
AZƏRTAC NHK telekanalına istinadla xəbər verir ki, aprelin 20-dən başlayaraq altı müxalifət partiya hökumətdə tərəfkeşlik, sənədlərin saxtalaşdırılması və digər mənfi halların araşdırılmasını tələb edərək parlamentin iclaslarına qatılmaqdan imtina etmişdilər.
Mayın 8-də səhər saatlarında hakim Liberal Demokratik Partiyanın (LDP) parlament işləri üzrə komitəsinin rəhbəri Hiroşi Moriyama partiyanın rəhbərliyini müxalifət partiyaları ilə əldə edilən razılaşma barədə məlumatlandırıb. H.Moriyama bildirib ki, Baş nazir Şinzo Abenin keçmiş katibi mayın 10-da şahid qismində parlamentə dəvət olunub. Əldə edilə razılaşmaya əsasən, o, and içməyəcək.
LDP-nin baş katibi Toşihiro Nikai deyib ki, parlamentin iyunun 20-də başa çatacaq sessiyasınadək vaxtı itirmək olmaz.
Partiya rəhbərləri əmək islahatları və həmçinin digər qanun layihələrinin qəbulu ilə bağlı müzakirələrin fəallaşdırılması niyyətində olduqlarını təsdiq ediblər.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
