YOL-NƏQLİYYAT HADİSƏLƏRİNDƏ 3 NƏFƏR ÖLMÜŞ, 1 NƏFƏR İSƏ YARALANMIŞDIR
Daxili İşlər Nazirliyinin mətbuat xidmətindən AZƏRTAC-a bildirmişlər ki, aprelin 8-də Ucar rayonu ərazisində rayon sakini Vüqar Qasımov idarə etdiyi “VAZ-2106” markalı avtomaşınla Eldəniz Hüseynovu vurmuşdur.
Ağır yol qəzası nəticəsində piyada hadisə yerində ölmüşdür.
Aprelin 8-də Səbail rayonu Bibiheybət qəsəbəsi ərazisində Şamaxı rayon sakini Xəyyam İsgəndərovun sürdüyü ”KamAZ” markalı və Bakı şəhər sakini Anar Süleymanova məxsus ”VAZ-2106” markalı avtomaşınlar toqquşmuşdur.
“VAZ-2106” markalı avtomaşının sərnişinləri, Oğuz rayon sakini Vüqar Şükürov və Bakı şəhər sakini Rəcəb Rəcəbov hadisə yerində ölmüş, xəsarət almış A.Süleymanov isə xəstəxanaya yerləşdirilmişdir.
Hər iki faktla bağlı cinayət işi açılmış, təhqiqat aparılır.
Bölmənin digər xəbərləri
